z bsuech bi dä (grizzly) bäre

gepostet von bcpratteln2 um 09:57:34 27.03.2019

 

mir si gester zobe richtig kleibasel zu dä tabelle erschte in glaub "die kleinsti halle ever", defür het dr bode glänzt wie e iisfeld.

mir si voller tatedrang gsi und hänn vo afang a toll chöne mithalte zur überraschig vo dä bäre. bis zur pause isches e super tolls, fairs und spannends spiel gsi und mir si sogar mitere knappe füehrig vo 4 pünkt in pause.

Nach widrapiff si aber bäre wie hungrigi grizzly's ufs spielfeld cho und hänn dr eint odr andr vo uns in dr sprossewand igfädlet odr halber gfrässe. gäll lino... 

zu allem ärger isch den no pfiffe vom einte schiri kaputt gange sodass me sini pfiff nit kört het (odr het er garnit driblose?!).

es isch den emel rächt hektisch und chli unschön worde im 3te viertel und unseri knappi füehrig isch au dahin gsi.

im schlussviertel het sich den aber alles widr chli beruhigt und mir hänn den leider die eifache pünkt nüm gmacht, sunscht wärs nomol ganz schön spannend worde.

zum schluss hänn mir leider mit 12 punkt verlore gege dr tabelle-erscht.

gspielt het dr simon mit 6 punkt,sandro 7,2m 2,michi herzog 7,ferat 14,sodi 3 und ich (mischi)10.

jetzt gohts am fritig gege arlesheim ins nächste spiel.


Ja, auch diese Webseite verwendet Cookies. >Hier erfahrt ihr alles zum Datenschutz
ok